Me to bus subah uthake office chali jati thi.


 

Mujhe nahi pata tha, kis darakht ke piche se kitani dhoop mere ghar me ati thi,

Me to bus subah uthake office chali jati thi.


Shaam ka manjaar kya hota tha, badallo ki piche suraj ki kirane kaise chup jati thi,

Me to bus subah uthake office chali jati thi.


Meri balcony ki fulwari me kitane phool khile hai, me kaha gin pati thi,

Me to bus subah uthake office chali jati thi.


Garama garam khane ki khusboo, me uska luft kaha le pati thi,

Me to bus subah uthake office chali jati thi.

 

Badkismati kahu ya khushkismati, kuch mahino se ghar par hu,

Subha ki shanti aur, Raat ka sukoon jee rahi hu,

Dopehra ki chai ab me apne sath pee rahi hu,

Jis ghar ko banana ke liye, me roj subah uthkar office chali jati thi,

Aaj pehli baar us ghar me reh rahi hu.


Connect with me:

FB page - Nidhi blogs 
 
Insta - @nidhijoshi27

Whatsapp - message me

email - nidhi_joshi27@yahoo.com 

Comments

Post a Comment

Popular posts from this blog

Loving from a distance....

To, My daughter…..

Blur